Petkovic: “Shqipëria e aftë të bëjë shumë gjëra”

0
SHPËRNDAJE

Vladimir Petkovic
Vladimir Petkovic

Në një intervistë për faqen e Federatës Shqiptare të Futbollit, Vladimir Petkovic, ka folur për sfidën e parë në Kampionatin Evropian, Zvicër-Shqipëri, çfarë mendimi ka për Kombëtaren tonë, objektivat e Zvicrës në Francë dhe mbi të gjitha për çështjen e shumë diskutuar, duelin mes shqiptarëve.

Rruga për në ‘‘Euro 2016‘‘ ishte e vështirë. Pas tre humbjeve u renditët të dytët pas Britanisë së Madhe në Grupin E. Kush janë objektivat tuaja për në Francë?

“Ne kërkojnë të kalojmë fazën e grupeve dhe të mbërrijmë në pjesën e dytë të turneut. Kur të mbërrijmë aty , do të gjejmë kohën për të shpallur synimet.”

Në raundin e parë do të luani kundër Francës , Rumanisë dhe Shqipërisë. Kush është kundërshtari më i fortë për ju ?

“Të 3 janë ekipe të forta. Nuk do ishin pjesë e kampionatit nëse nuk do të ishin të forta. Nuk mendojmë se kampionati me 24 skuadra është ide e keqe. Ekipet më të mira të Evropës luajnë në ‘‘Euro 2016‘‘. Çfarë mund të kërkosh më tepër? Megjithatë , kjo do të thotë se rruga drejt qëllimit tonë do të jetë shumë e vështirë. Nëse doni një emër për pyetjen , unë them Franca. Ata janë favoritët jo vetëm të Grupit A , por dhe për fitimin e titullit.”

Ju merrni pjesë për të katërtën herë në Kampionatin Evropian. A është diçka e veçante për ju , pjesëmarrja në Francë ?

“Është gjithmonë mirë nëse nuk je shumë larg shtëpisë. E lehtëson shumë udhëtimin.
Megjithatë, kur je në krye të detyrës nuk e ndjen shumë ndryshimin. Shpresoj që shumë tifozë Zvicerane do të vijnë për ta mbështetur ekipin. Qytetet ku do luhet , nuk janë shumë lart Zvicrës…..”

Çfarë pritshmërish keni nga ekipi i Shqipërisë ?

“Së pari, ekipi shqiptar e meritoi totalish kualifikimin. Ato bënë një punë të mirë në një grup që nuk ishte i lehtë. Një ekip që mundi Portugalinë në Portugali është e aftë të arrijë edhe më shumë. Kanë lojtarë shumë të fuqishëm. Kanë një frymë ekipi shumë të mirë. Janë ekpi i vështirë , jo vetëm për ekipin e Zvicrës. Ana mediatike ka shumë emocione , madje është përdorur dhe terminologji e arteve marciale për këtë ndeshje. Me të vërtetë është një ndeshje e vecantë , megjithatë në fund të fundit mbetet një ndeshje futbolli, që do e fitojë skuadra më e mirë.”

Shumë lojtarë shqiptarë luajnë për ekipin Zviceran. Kë njihni më mirë nga ato?

“Ne, i njohim shumë mirë, dhe e di mjaft mirë që ka dhe lojtarë të tjerë nga kampionate të ndryshme. Nuk ka nevojë të përmendim emra.”

Si e gjykoni punën e trajnerit De Biasi? Ai e drejtoi Shqipërinë për të parën herë në histori, në Kampionatin Europian.

“Një punë e mirë nga një person e shkëlqyer. Ne luajtëm kundër Shqipërisë në kualifikueset e Kupës së Botës , dhe ishin një ekip shumë i vështirë për tu mundur. Deri më tani , ata janë përmirësuar shumë. Mendojmë që De Biasi ka gjetur talentet , shpirtin dhe disiplinën e duhur.”

Mendimi juaj : Kush do ta fitojë ‘‘Kampionatin Europian 2016‘‘?

“Franca”
(/BalkanWeb)

S'KA KOMENTE

Comments are closed.