Skandali, flamuri i Vorio Epirit shpaloset në ndeshjen e Greqisë

0
SHPËRNDAJE

Një tjetër skandal propagandistik ka ndodhur në ndeshjen e futbollit mes Greqisë dhe Malit të Zi. Në momentin luajtjes së himnit grek, në stadiumin “Karaiskaqi”, pjesëtarë të organizatës nacionaliste “Epiri i Veriut 1914” që ishin të pranishëm, kanë hapur një flamur gjigand të Epirit të Veriut. Një flamur propagandistik i ndaluar rreptësisht në ambiente të tilla sportive, njësoj si tymueset apo mjetet e forta të cilat ndalohen që në kontrollet e policisë përpara futjes në stadium.

Flamuri i Vorio Epirit që u shpalos në ndeshjen Greqi - Mali i Zi
Flamuri i Vorio Epirit që u shpalos në ndeshjen Greqi – Mali i Zi

Por nëse sendet e forta, tymueset apo shashkat janë të përmasave të tilla që edhe mund të evitojnë kontrollet, një flamur gjigand i këtyre përmasave, që edhe regjia e kanalit grek OTE që trasmetonte ndeshjen e ka futur në trasmetim, ndoshta gabimisht, vështirë të fshihet dhe t’i kalojë kontrolleve të policisë. Një incident i tillë në ndeshje zyrtare do të kishte pasoja të rënda për vendin organizator, por në rastin e kësaj ndeshjeje që ishte miqësore, delegati i UEFA-s mungon dhe si rrjedhojë nuk raportohet si incident. /Top Channel

S'KA KOMENTE

Comments are closed.