VIDEO/ Makth në Bombonera, Argjentina stopohet edhe nga Peruja, Rusi 2018 duket shumë larg

0
SHPËRNDAJE

E pabesueshme: Argjentina është ndalur sërish, këtë radhë nga Peruja, dhe rrezikon gjithnjë e më shumë ta shohë Botërorin nga shtëpia.

Pas 20 vitesh, Argjentina u kthye në legjendarin Bombonera, por as shtëpia e Boka Zhuniors nuk mjaftoi.

Zero gola, edhe pse trajneri Horge Sampaoli ndryshoi skemë dhe lojtarë, duke shpresuar te gjenialiteti i Mesit.

Ky i fundit tentoi gjithçka, por ishte gjithnjë i mbuluar rreptë dhe shpesh detyrohej të kthehej në mesfushë për të marrë topin. Sulmuesi kryesor Benedeto ishte një dështim, ndërsa Dibala e Ikardi shihnin nga stoli.

Presion konstant, raste e një shtyllë, super portier i Perusë dhe mbrojtje perfekte: gjithçka çoi te një 0-0 që shton makthet e Argjentinës, e cila tashmë zbret e gjashta.

Fat i madh: Paraguai fitoi 2-1 në Kolumbi, ndaj me një fitore në Ekuador Argjentina shkon të paktën në play-off, që do të ishte mrekulli, duke parë se me Sampaolin nuk ka fitore, por as gola. Ekuadori nuk shpreson më, por Argjentina ka gabuar edhe ndeshje më të lehta deri tani.

Renditja

S'KA KOMENTE

Comments are closed.