VIDEO/ Pikante nga Lushnja – Kukësi. Porta më e lartë se normalja dhe të tjera…

0
SHPËRNDAJE

Porta më e lartë, rregullohet para ndeshjes

Kur skuadrat kanë dalë në stërvitje para ndeshjes, trajneri i tyre ka vërejtur një problematikë tek një prej portave. Ermal Nexhipi ka sinjalizuar zyrtarët e FSHF-së , të cilët pasi e kanë konstatuar diçka të tillë kanë dhënë urdhër që kjo gjë të ndreqet. Punëtorët e fushës menjëherë kanë ndërhyrë dhe e kanë shkurtuar portën, që ishte pesë centimetra më e lartë se norma.

Para ndeshjes Lushnja-Kukësi, kryetari i Bashkisë, Fatos Tushe, i shoqëruar nga zëvendëspresidenti i FSHF-së, Lutfi Nuri dhe presidenti i Kukësit Safet Gjici kanë inauguruar stadiumin e rikonstruktuar. Federata ka kontribuar duke ndërruar tapetin e stadiumit, ndërsa Bashkia ka rikonstruktuar ambientet e brendshme dhe rrethimin. Ajo që habit është fakti që në inaugurim mori pjesë edhe presidenti i Kukësit Gjici, që së bashku me të tjerët në fund të ceremonisë shkelmuan topat drejt tifozëve. Ndoshta Gjici ka studiuar stadiumin e Lushnjës, për ta ndërtuar një të tillë në Kukës, ku “Zeqir Ymeri” ka degraduar shumë shpejt.

Safet Gjici duke inagururar “Roza Haxhiun”

S'KA KOMENTE

Comments are closed.